വാഗണ്‍ ട്രാജഡി പുരസ്കാരദാനം നാളെ

തിരൂര്‍: ടീം തിരൂര്‍ വാഗണ്‍ ട്രാജഡി പുരസ്കാരം നാളെ തിരൂര്‍ ടൌണ്‍ഹാളില്‍ വെട്ടംശാന്തി സെപ്ഷല്‍ സ്കൂളിനു നല്‍കും. വൈകിട്ട്‌ 6.30ന്‌ മന്ത്രി ആര്യാടന്‍ മുഹമ്മദ്‌ ഉദ്ഘാടനം ചെയ്യും.

തിരൂരിലെ കുടുംബ കൂട്ടായ്മയായ ആക്ട്‌ തിരൂരുമായി സഹകരിച്ച്‌ ഇന്നും നാളെയുമായി നടക്കുന്ന ഓണം-ഈദ്‌ ഫെസ്റ്റ്‌ പരിപാടിയുടെ ഭാഗമായാണ്‌ അവാര്‍ഡ്‌ ദാന ചടങ്ങ്‌.ടീം തിരൂര്‍ പ്രസിഡന്റ്‌ ശശി വാരിയത്ത്‌ ആധ്യക്ഷ്യം വഹിക്കും. മാനസികവൈകല്യം ബാധിച്ച കുട്ടികളെ സംരക്ഷിക്കുന്നതിലും കുട്ടികളുടെ രക്ഷിതാക്കള്‍ക്ക്‌ ആശ്വാസം നല്‍കുന്നതിലും ശാന്തി സ്പെഷല്‍ സ്കൂളിന്റെ സേവന മാതൃകയ്ക്കാണ്‌ അവാര്‍ഡ്‌. 10,001 രൂപ, പ്രശസ്‌തിപത്രം, ഫലകം എന്നിവയടങ്ങുന്നതാണ്‌ അവാര്‍ഡ്‌. സര്‍ഗസംഗമം ഇന്നു വൈകിട്ട്‌ 6.30 ന്‌ ഗായകന്‍ വിഷ്ണു ഉദ്ഘാടനം ചെയ്യും.

0 comments:

Post a Comment

 
Other Website Malabar Kalapam | Pookkottur Battle | Shihab Thangal